ပျောက်ဆုံးလေယာဉ် နယ်မြေတိုးချဲ့ရှာဖွေမည်

စနေနေ့ကပျောက်ဆုံးသွားတဲ့ လူပေါင်း ၂၃၉ ယောက်ပါ မလေးရှား ခရီးသည်တင်လေယာဉ်ကို ရှာဖွေဖို့ နယ်နိမိတ် သိသိသာသာတိုးချဲ့ သတ်မှတ်လိုက်တယ်လို့ မလေးရှားအာဏာပိုင်တွေကပြောဆိုပါတယ်။
ရက်အတန်ကြာ ရှာဖွေနေပေမယ့် ဘာသဲလွန်စမှ ရှာဖွေလို့မရခဲ့တဲ့နောက် အင်္ဂါနေ့ကစပြီး ရှာဖွေတဲ့ နယ်နမိတ်ကို တိုးချဲ့သတ်မှတ်လိုက်ကြောင်း မလေးရှားနိုင်ငံ လေကြောင်းညွှန်ကြားမှုဦးစီးဌာနရဲ့ အကြီးအကဲက ပြောလိုက်ပါတယ်။



နိုင်ငံအတော်များများက ကူညီဖို့စေလွှတ်ထားတဲ့ ဒါဇင်နဲ့ချီတဲ့ သင်္ဘောတွေ၊ လေယာဉ်တွေ ဟာ တောင်တရုတ် ပင်လယ်အတွင်း လေယာဉ်ပျောက်ဆုံးသွားတဲ့ နေရာတဝိုက် မိုင် ၆ဝ ပတ်လည်တဝိုက်ကို ဝိုင်းဝန်းရှာဖွေနေခဲ့ကြတာပါ။

ဗီယက်နမ်ကမ်းခြေတဝိုက်မှာ ပင်လယ်ပြင်မှာတွေ့ခဲ့ရတဲ့ ဆီကွက်ကြီးတွေဟာ ပျောက်ဆုံး သွားတဲ့ လေယာဉ်နဲ့ ဆက်နွယ်မှုမရှိကြောင်း စုံစမ်းစစ်ဆေးသူတွေက တနင်္လာနေ့မှာ ပြောဆိုက် လိုက်ပြီးတဲ့နောက် လေယာဉ်ပျောက်ဆုံးနေမှုဟာ ပိုပြီးတော့ စဉ်းစားရကြပ်လာစရာဖြစ်လာခဲ့ပါတယ်။

ဗီယက်နမ်တောင်ပိုင်းရေပြင်မှာ အပျက်အစီးအပိုင်းအစတွေ တွေ့ရတယ် ဆိုတဲ့ ပြောဆိုမှုတွေရှိပေ မယ့် ပျောက်သွား တဲ့ Boeing 777 လေယာဉ်က အပိုင်းအစတွေကို ရှာဖွေရေးသမားတွေ မတွေ့ဘူးလို့ ဖော် ထုတ်စုံစမ်းသူတွေက ပြောပါတယ်။

လေယာဉ်အမှတ် MH370 ဟာ မလေးရှားနိုင်ငံ၊ Kuala Lumpur မြို့တော်ကနေ တရုတ်နိုင်ငံ၊ ပီကင်းမြို့တော်ကို ဦးတည်ပျံတက်သွားပြီး တနာရီလောက်အကြာ စနေနေ့မနက်အစောကြီး မှာပဲ ရေဒါ ကနေ ပျောက်သွားခဲ့တာဖြစ်ပါတယ်။