လူမျိုးရေး၊ ဘာသာရေးကိစ္စ လှုံ့ဆော်မှုများကြောင့် ဦးနေမျိုးဝေကို စစ်မေးခြင်းမဟုတ်ဟု ဆို

လူမှုကွန်ရက် facebook တွင် ပြန့်နှံ့နေသကဲ့သို့ လူမျိုးရေး၊ ဘာသာရေး လှုံ့ဆော်မှုများကြောင့် မတူကွဲပြားခြင်းနှင့် ငြိမ်းချမ်းရေးပါတီ လက်ရှိ ဥက္ကဋ္ဌ ဦးနေမျိုးဝေကို ရန်ကုန်တိုင်း ရွေးကောက်ပွဲကော်မရှင်က ခေါ်ယူစစ်မေးရန် ပြင်ဆင်နေသည် ဆိုခြင်းမှာ မဟုတ်ကြောင်း ရန်ကုန်တိုင်း ကော်မရှင်ဥက္ကဋ္ဌ ဦးကိုကိုက ဧရာဝတီသို့ ပြောသည်။

ဦးနေမျိုးဝေကို ရန်ကုန်တိုင်း ရွေးကောက်ပွဲကော်မရှင်က ခေါ်ယူစစ်ဆေးရန် ပြင်ဆင်နေခြင်းမှာ လှည်းကူးမြို့နယ်အတွင်း လယ်ယာမြေများ မြေကွက်ရိုက်ပြီး လူနေအိမ်အဖြစ် ဆောင်ရွက်ထားခြင်း ကိစ္စရပ်အား မေးမြန်းစုံစမ်းရန် ဖြစ်ကြောင်း ၎င်းက ဆိုသည်။

လူမှုကွန်ရက် facebook တွင် ပြန့်နှံ့နေသကဲ့သို့ လူမျိုးရေး၊ ဘာသာရေး လှုံ့ဆော်မှုများနှင့် ပက်သက်ပြီး စစ်ဆေးရန် မဟုတ်ကြောင်း၊ လှည်းကူးမြို့နယ် ကိစ္စကိုသာ တိုင်ကြားသူရှိသည့် အတွက်ကြောင့် ခေါ်ယူစစ်ဆေးရန်ဖြစ်ကြောင်း ၎င်းက ဆိုသည်။

“လှည်းကူးကိစ္စကိုသာ တိုင်တာပါ။ လူမျိုးရေးကိစ္စက အခုချိန်အထိ ဘယ်သူကမှ တိုင်ကြားထားတာမရှိဘူး။ တိုင်တဲ့သူမရှိ တော့ အဲဒီ လူမျိုးရေးကိစ္စတွေက စစ်ဆေးဖို့ မလိုဘူးလေ။ တကယ်လို့ တိုင်တဲ့သူ ပေါ်လာမယ်ဆိုရင်လည်း ကျနော့် အနေနဲ့က ပြည်ထောင်စု ကော်မရှင်ကို တင်ပြသွားမှာပါ။ ကျနော်တို့ ရန်ကုန်တိုင်း ကော်မရှင်အဖွဲ့ရဲ့ မှတ်တမ်းမှာလည်း ဒီလို လူမျိုးရေး ကိစ္စတွေနဲ့ ပက်သက်လို့ ဘယ်သူ့ကိုမှ တိုင်တန်းတာမျိုး အခုချိန်အထိမရှိသေးပါဘူး” ဟု ဦးကိုကိုက ရှင်းပြသည်။

လှည်းကူးမြို့နယ်၊ ဘားလား (တံတားကြီး) ကျေးရွာအနီးရှိ အခြားနည်းလမ်းဖြင့် အသုံးပြုခွင့် မရှိသည့် လယ်ယာမြေများ ပေါ်တွင် ကွန်ကရစ်လမ်းများ ဖောက်လုပ်ခြင်း၊ လူနေအိမ်ယာများ ဖော်ခြင်း စသဖြင့် ပါတီနာမည်ကို အသုံးပြုပြီး ဥပဒေနှင့် အညီ မပြုလုပ်ခြင်းတို့ကြောင့် ဦးနေမျိုးဝေအား မတူကွဲပြားခြင်းနှင့် ငြိမ်းချမ်းရေးပါတီ စတင်တည်ထောင်စဉ်က ဥက္ကဋ္ဌအဖြစ် ဆောင်ရွက်ခဲ့သူ ဦးညိုမင်းလွင်နှင့် ပါတီတည်ထောင်စဉ်တွင် ပါဝင်ခဲ့သူ ဦးတင်မောင်အေးတို့က တိုင်း ကော်မရှင်ထံသို့ ဇွန်လ ၁၇ ရက်နေ့က တိုင်ကြားခဲ့ခြင်းဖြစ်သည်။

သို့ရာတွင် ဦးတင်မောင်အေးနှင့် ဦးညိုမင်းလွင်တို့ကို လွန်ခဲ့သော ၃ လခန့်ကတည်းက ပါတီဗဟိုကော်မတီ အစည်း အဝေး ဆုံးဖြတ်ချက်အရ ပါတီမှ ထုတ်ပယ်ထားပြီးဖြစ်ကြောင်း လက်ရှိပါတီဥက္ကဋ္ဌ ဦးနေမျိုးဝေက ဧရာဝတီသို့ ပြောသည်။

လက်ရှိအချိန်တွင် ပါတီလုပ်ငန်းများအတွက် နေရာပေးသော်လည်း မယူသည့်အပြင် မိမိ၏ လုပ်ငန်းများကိုပါ နှောင့်ယှက် နေသည့်အတွက် ထုတ်ပယ်ရခြင်း ဖြစ်ကြောင်း ၎င်းက ဆိုသည်။

ယခုကဲ့သို့ ကော်မရှင်မှ ခေါ်ယူစစ်ဆေးသည့် သတင်းနှင့် ပက်သက်ပြီး မေးမြန်းရာတွင် ဦးနေမျိုးဝေက “အဲဒါ နိုင်ငံရေးလား။ အဲဒါကို စိတ်ဝင်စားတယ်၊ ငါ့နိုင်ငံရေးကို စိတ်မ၀င်စားဘူးဆိုရင် မင်းဟာက အလကားဂျာနယ်၊ လုံးဝ သုံးမရတဲ့ဂျာနယ်။ ငါလုပ်တဲ့ နိုင်ငံရေးတွေကို စိတ်ဝင်စားပြီး ဖော်ထုတ်ပေးရမှာပေါ့။ ငါက ဂျာနယ်တွေကလည်း သိအောင် လုပ်ချင်သေးတာ။ အဲဒီလို ဖော်ထုတ်တာမဟုတ်တဲ့ ဂျာနယ်ကို ငါက အင်တာဗျူးမပေးဘူး” ဟု ဧရာဝတီသို့ ပြန်လည် ပြောဆိုသည်။

မတူကွဲပြားခြင်းနှင့် ငြိမ်းချမ်းရေးပါတီမှ ဦးညိုမင်းလွင်နှင့် ဦးတင်မောင်အေးတို့ကို ထုတ်ပယ်လိုက်ခြင်းနှင့် ပက်သက်ပြီး အစည်းအဝေး မှတ်တမ်းကို ရန်ကုန်တိုင်း ရွေးကောက်ပွဲကော်မရှင်ထံသို့ ပေးပို့ထားပြီးဖြစ်သည်ဟု တိုင်းကော်မရှင်ဥက္ကဋ္ဌ ဦးကိုကိုကလည်း အတည်ပြုသည်။

လှည်းကူး ကိစ္စစစ်ဆေးရန်နှင့် ပက်သက်ပြီး ပါတီဝင်အဖြစ်မှ ထုတ်ပယ်ပြီးဖြစ်ခြင်း၊ ပါတီဝင်အဖြစ် ရှိနေသေးခြင်း စသည့် ကိစ္စများနှင့် မသက်ဆိုင်ဘဲ ပြည်သူ တဦးတယောက်က တိုင်လာလျှင်ပင် စစ်ဆေးရမည်ဖြစ်ကြောင်း ၎င်းက ဆက်ပြောသည်။

သို့ရာတွင် ဦးတင်မောင်အေးနှင့် ဦးညိုမင်းလွင်တို့ထံသို့ ထုတ်ပယ်ကြောင်း အကြောင်းကြားစာ ပေးပို့ထားခြင်းမရှိကြောင်း၊ မိမိတို့ ပါတီတွင်း၌လည်း အကွဲအပြဲများ ဖြစ်နေကြောင်း ဦးတင်မောင်အေးက ဧရာဝတီကို ပြောသည်။

“ပါတီက ထုတ်တယ်ဆိုရင် ဘယ်မှာလဲစာတွေ။ ကျနော်တို့ဆီ ဒီနေ့အထိ မရောက်သေးဘူး။ သူ အခုလုပ်နေတာက ပါတီကို နာမည်ပျက်အောင်ကို လုပ်နေတာ။ ကိုညိုမင်းလွင်ဆိုရင် ပါတီ တည်ထောင်စကတည်းက ဥက္ကဋ္ဌ လုပ်ခဲ့တာ။ နောက်မှ သူက ပါတီအပေါ် အချိန်ပြည့် မလုပ်ပေးနိုင်လို့ ဥက္ကဋ္ဌမလုပ်တော့ဘဲ ပါတီဝင်အဖြစ်ပဲ ရပ်တည်တာ။ အခု အတွင်းရေးမှူးလို့ ခေါ်နေတဲ့ ဦးအောင်မျိုးဦးဆိုရင် တချိန်က စာနဲ့ကို ပါတီက ထုတ်ခဲ့တဲ့သူ။ အခု သူဘယ်လိုလုပ် ပါတီကို ပြန်ရောက်နေတာ လဲ” ဟု ဦးတင်မောင်အေးက ဆိုသည်။

ဦးနေမျိုးဝေ၏ facebook စာမျက်နှာတွင် ဘာသာရေး၊ လူမျိုးရေး လှုံ့ဆော်မှုများ ရေးသားထားသည်မှာ လိုအပ်သည်ထက် အနည်းငယ် လွန်လျှင် လွန်နိုင်မည် ဖြစ်သော်လည်း ယခုအချိန်ထိ ထိုကိစ္စနှင့် ပက်သက်ပြီး အစိုးရအကြီးအကဲများ ဘက်မှ မည်သည့် မှတ်ချက်တစုံတရာ ပြောကြားခြင်း မရှိသေးကြောင်း ပါတီ၏ ဗဟိုကော်မတီဝင်နှင့် ညှိနှိုင်းရေးမှူးဖြစ်သူ ဧရာဝတီတိုင်း၊ ဘိုကလေးမြို့နယ် တာဝန်ခံ ဦးနေမျိုးဝေ၏ ဖခင်ဖြစ်သူ ဦးလှမြင့်က ဧရာဝတီသို့ ပြောသည်။

အစ္စလမ် ဘာသာ၏ ဘာသာရေးကျမ်းစာ ကုရ်အာန်ကျမ်းကို မြန်မာဘာသာပြန်ပြီး အစိုးရအဖွဲ့အကြီးအကဲများထံသို့ ပေးပို့ ထားသည်ဟု သိထားကြောင်း၊ အစိုးရအကြီးအကဲများနှင့် တွေ့ဆုံတိုင်းတွင်လည်း ထိုကိစ္စနှင့်ပက်သက်ပြီး သတိပေး ပြောကြားခြင်းမျိုး မရှိကြောင်း ၎င်းက ဆက်ပြောသည်။

“ပါတီအနေနဲ့မပြောနဲ့၊ နိုင်ငံသားတယောက် အနေနဲ့ကို ကိုယ့်အမျိုး၊ ဘာသာ၊ သာသနာကို ထိန်းသိမ်းစောင့်ရှောက်ရမယ့် တာဝန်ရှိတယ်။ ဒါက ပါတီရဲ့ သဘောထားလည်း ဟုတ်တယ်။ ကိုနေမျိုးဝေလုပ်နေတာကလည်း ပါတီရဲ့လုပ်ငန်းစဉ်ထဲက ပဲ။ ကိုနေမျိုးဝေကို ခေါ်စစ်တာမျိုးတော့ ဒီနေ့အထိ မကြားမိသေးဘူး။ တကယ် စစ်တယ်ဆိုရင် ကျနော်တို့လည်း သိရမှာပဲ” ဟု မတူကွဲပြားခြင်းနှင့် ငြိမ်းချမ်းရေးပါတီ အတွင်းရေးမှူးဖြစ်သူ ဦးအောင်မျိုးဦးက ဆိုသည်။

ဦးနေမျိုးဝေသည် လယ်သိမ်းခံ တောင်သူလယ်သမားအရေး လိုက်လံဆောင်ရွက်ရာတွင် လယ်သမားများနှင့် အမျိုးသား လွှတ်တော် ကိုယ်စားလှယ် ဦးခင်ရွှေတို့အကြား ဖြစ်ပွားခဲ့သည့် လယ်ယာမြေ အငြင်းပွားမှုများနှင့် ပတ်သက်၍ လယ်သမားများကို ကူညီဆောင်ရွက်ပေးခဲ့သူ ဖြစ်သည်။