ပလောင်ကိုယ်ပိုင်အုပ်ချုပ်ခွင့်ရဒေသ နမ့်ဆမ်းမြို့နယ်တွင် တိုင်းရင်းသား လက်နက်ကိုင် အဖွဲ့စည်းများက တစ်အိမ် တစ်ယောက် စစ်သားစုဆောင်း နေမှုကြောင့် ထွက်ပြေးတိမ်းရှောင်လာကြသော လီဆူးတိုင်းရင်းသားများ ခိုလှုံလျှက်ရှိရာ လားရှိုးမြို့နယ် အီနိုင်းကျေးရွာသို့ ဘာသာပေါင်းစုံမှ ပြည်သူများနှင့် ဒေသခံမီဒီယာသမားအချို့က အစားအသောက် များနှင့် အဝတ်အထည်များကို ဧပြီလ(၅)ရက်က သွားရောက်လှူဒါန်းခဲ့ကြောင်း သိရသည်။
“ဒီရွာမှာရောက်နေတဲ့ဒုက္ခသည်တွေအားလုံးက လီဆူးတိုင်းရင်းသားတွေပါ၊ တစ်အုပ်စုလုံး တစ်ခါတည်းရောက်လာ ခဲ့ကြတာ မဟုတ်ဘဲ တစ်မိသားစုခြင်း ခွဲပြေးလာရာကနေခြောက်လ ခုနှစ်လအတွင်းမှာ ကျွန်တော်တို့ အီနိုင်း ကျေးရွာကို ရောက်ရှိလာတဲ့ အိမ်ထောင်စုပေါင်းက(၅၄)စု၊ လူဦးရေက ကလေးတွေအပါဝင်(၃၂၆)ယောက်ရှိသွားပါပြီ၊ သူတို့အားလုံး နေထိုင်ဖို့ရာ ကိုလည်း ကျွန်တော်တို့ရွာသားတွေကပဲ တစ်အိမ်ကိုလေးငါးယောက်ခွဲပြီး နေထိုင်ဖို့ကူညီထားခဲ့ကြတာပါ၊ သူတို့ရဲ့ ရွေ့ပြောင်းပုံစံနဲ့ လူဦးရေစာရင်းတွေကိုလည်း သက်ဆိုင်ရာကအသိမှတ်ပြုပေးဖို့ ကျွန်တော်တို့ရွာသားအဖြစ် စာရင်းဝင်ဖို့ သက်ဆိုင်ရာကို တင်ပြတောင်းခံထားပြီးပါပြီ၊ သူတို့အတွက်စားရေးသောက်ရေးကတော့ လူငှားအဖြစ် ကြုံရာကျဘမ်း လုပ်ကိုင်စားသောက် နေကျတာပါ”ဟု အီနိုင်းကျေးရွာအုပ်စုအုပ်ချုပ်ရေးမှူး ဦးစိုင်းလှဝင်းက ပြောကြားသည်။ အီနိုင်းကျေရွာသည် လားရိူးမြို့နှင့် ဆယ်မိုင်ခန့် ကွာဝေး၍ လားရိူးမှ နမ္မတူဘော်တွင်းသွားကားလမ်းနဘေးတွင် တည်ရှိပြီး နမ့်ဆမ်မြိုံနှင့်မိုင်(၈ဝ)ခန့်ကွာဝေးသော တိုင်းရင်းသားလူမျိုးပေါင်းစုံနေထိုင်သည့်ကျေးရွာကြီးတစ်ခု ဖြစ်သည်။
ထွက်ပြေးသိမ်းရှောင်လာသောလီဆူးမိသားစုများနှင့်အတူပါလာသည့် မူလတန်းပြ ဆရာမတစ်ဦးက “ကျွန်မတို့ ဒီရွာကို ရောက်လာတဲ့အချိန်ကစပြီး အခုအချိန်ထိ ဘယ်အဖွဲ့စည်းကမှ အခုလိုလာရောက်ကူညီဖူးတဲ့ လူတွေမရှိခဲ့ပါဘူး၊ စာနယ်ဇင်းသမားအချို့ရောက်လာပြီးမှ ကျွန်မတို့ရဲ့အဖြစ်ပျက်ကို လားရိူးမြို့ပေါ်ကလူတွေသိသွားကြတာပါ၊ ကျွန်မတို့ ကလည်း တစ်ကြိမ်တည်း စုပြုံရောက်လာကြတာမဟုတ်လို့ အဖွဲ့စည်းအသီးသီးက မသိကြတာလည်းဖြစ်မှာပါ၊ အခုလို အကူညီလာပေးကြတဲ့ မီဒီယာသမားများနဲ့ စေတနာရှင်များအားလုံးကိုအထူးပဲကျေးဇူးတင်ပါတယ်”ဟု ပြောသည်။
“အခုလိုကျွန်မတို့ တစ်ရွာလုံးနီးပါး ပြေးလာကြတော့ အီနိုင်းကျေးရွာမှာ တဖြည်းဖြည်း လူများလာပြီး နေထိုင်ရေးအတွက် မြေနေရာ ခက်ခဲနေပါတယ်၊ ကျွန်မလိုပဲ ဂန့်ဂေါမြို့နယ်ကနေ တာဝန်လာကျတဲ့ ဆရာမတစ်ယောက်လည်းပါလာပါတယ်၊ နှစ်ယောက်လုံး ဝန်ထမ်းဖြစ်နေတော့ နမ့်ဆမ်မြို့နယ်ကိုလည်း ပြန်မသွားရဲကြတော့လို့ ဖြစ်နိုင်ရင် လားရိူးပတ်ဝန်းကျင်ကို ရွေ့ပြောင်းနိုင်ဖို့ တာဝန်ရှိတဲ့လူတွေအနေနဲ့ ကူညီပေးစေလိုပါတယ်”ဟု ယင်းဆရာမက ဆက်လက်ပြောသည်။
နမ့်ဆမ်မြို့နယ်မှ ထွက်ပြေးတိမ်းရှောင်လာသော ဒုက္ခသည်လီဆူးတိုင်းရင်းသားမိသားစုများကို လာရောက်လှူဒါန်းကြသည့် စေတနာရှင်များတွင် ဗုဒ္ဒဘာသာ၊ အစ္စလာမ်ဘာသာ၊ ဟိန္ဒူနှင့် ခရစ်ယာန်ဘာသာဝင်များ ပါဝင်ပြီး ဒုက္ခသည်များ လိုအပ်လျှက်ရှိသော ဆန်၊ဆီ၊ဆား၊ငရုပ်၊ကြက်သွန်၊ခေါက်ဆွဲထုပ်များ၊ ဆေးဝါးနှင့် အဝတ်အထည်များကို မိသားစု ငါးယောက် ရှိသော အိမ်ထောင်တစ်စုအတွက်(၅)ရက်စာခန့် စားသုံးနိုင်စေရန် ရွာခံရပ်မိရပ်ဖများ၏ အကူညီဖြင့် လှူဒါန်းပေးနိုင်ခဲ့ကြောင်း သိရသည်။
www.mmdailystar.com