အကယ်ဒမီ ရုပ်ရှင်သရုပ်ဆောင် ယခုလက်ရှိတော့ နာရေးကူညီမှုအသင်းရဲ့ ဥက္ကဌ ဦးကျော်သူက ကျွန်တော်သာ သမ္မတကြီး ဖြစ်ခဲ့ရင် စာအုပ်ကို ရေးသားခဲ့ဖူးသည်။ အဓိက ကတော့ သူ သမ္မတကြီး ဖြစ်ခဲ့မယ် ဆိုရင် ဘာတွေလုပ်မယ်၊ ဘယ်လိုလုပ်မလဲဆိုတာတွေကို ၂၀ဝ၁ ခုနှစ် နာရေးကူညီမှုအသင်း စတင်လုပ်ကိုင် ကတည်းက တွေ့ကြုံခဲ့ရတဲ့ အခက်အခဲတွေ၊ သူဖြစ်သန်းခဲ့ရတဲ့ ဘဝတွေ့နဲ့ယှဉ်ပြီး စိတ်ကူးယဉ်မဆန်တဲ့ အတွေးတွေ နဲ့သူရေးသားခဲ့တာပါ။ ဒါပေမဲ့ သူသမ္မတကြီး မဖြစ်နိုင်သလို၊ သမ္မတကြီးလဲ လုပ်မှာမဟုတ်ပါဘူး။ သို့သော်လည်း သူသာသမ္မတကြီး ဖြစ်ခဲ့ရင် ဘာတွေလုပ်မယ်ဆိုတဲ့ လိုအပ်ချက်တွေကို Message ကိုပေးချင် တဲ့ သဘောပါ။
အဲ့လိုပဲ ကျွန်တော်လဲ ဒေါ်စုမဖြစ်နိုင်သလို၊ ဒေါ်စုလဲ ဖြစ်မှာမဟုတ်ပါဘူး။ ကဲဒါဆိုရင် ကျွန်တော်ရဲ့ စိတ်ကူးယဉ်မဆန်တဲ့ အတွေးလေးတွေကို ပြောပြမယ်။ ပြောမယ်ဆိုရင်တော့ ဒေါ်စုအကြောင်းလေးနဲနဲတော့ ပါရမှာပေါ့။ သူမဟာ နေအိမ်အကျယ်ချုပ်ကျကာ အနေအထားအမျိုးမျိုးကို ကြုံတွေ့ခဲ့တယ်။ ပြဿနာတွေလဲ တက်ခဲ့ပါတယ်။ ကဲထားလိုက်ပါ အဲ့ဒါတွေတော့။ ဒေါ်အောင်ဆန်းစုကြည် ၂၀၁၀ နိုဝင်ဘာ ၁၄ ရက်နေ့က ပထမဆုံး မိန့်ခွန်းကိုပြောကြာခဲ့ပြီး လူထု စိတ်ဝင်စားမှုကို ရယူခဲ့သည်။ ဒေါ်အောင်ဆန်းစုကြည်၏ နာမည်သာ ကြားဖူးပြီး သူမဘာတွေလုပ်မလဲဆိုတာ သိလိုသော နိုင်ငံအဝှန်းက နိုင်ငံရေး လေ့လာသူများက အထူးစိတ်ဝင် စားခဲ့ကြသည်။ ထို့အပြင် သူမ၏ စကားများသည် လူ့အကြိုက်ဖြစ်ခဲ့ရာ ဒေါ်အောင်ဆန်းစုကြည်၏ လက်တွေ့ လုပ်ဆောင်နိုင်မှုရှိမရှိ လူအများမှ စောင့်ကြည့်ခဲ့ကြသည်။
၂၀၁၀ နိုဝင်ဘာလ ၂၀ ရက်နေ့တွင် ဒုတိယ ပင်လုံညီလာခံ ကျင်းပရေးဆိုင်ရာ အစည်းအဝေး တစ်ခု ကို ကျင်းပခဲ့ပြီး ဒေါ်အောင်ဆန်းစုကြည်ကို ထောက်ခံသူများက ၎င်းအားခေါင်းဆောင်အဖြစ် လက်ခံခဲ့ကြသည်။ နောက်ပိုင်းတော့ သူမဟာ လူထုထဲဝင်ပြီး အစိုးရနဲ့ အတိုက်ခံများစွာကို ဆက်လက်လုပ်ဆောင်ခဲ့တယ်။ ကဲ ကျွန်တော်သာ ဒေါ်စုဖြစ်ခဲ့ရင်ဆိုတာ အပိုင်းကိုစပြောပါမယ်။ ဒေါ်စုဟာ နိုင်ငံတကာနဲ့ Relationship မှာ တော် တော်အဆင်ပြေပါတယ်။ ပြေရတဲ့အကြောင်းရင်းကလဲ သူမဟာ အစိုးရရဲ့ အတိုက်ခံ ဖြစ်နေတာလဲပါပါတယ်။ ပြီးတော့ သူမကို နိုင်ငံတကာမှလည်း ဘွဲ့တွေ၊ ဆုတံဆိပ်တွေလဲ ချီးမြှင့်ခဲ့ကြတယ်။ ဘာပဲဖြစ်ဖြစ် သူမဟာ နိုင်ငံတကာရဲ့ထောက်ခံမှုကို ရရှိနေသူဖြစ်တယ်။ သူမဟာအဲ့လိုအနေထားမျိုးတွေ အခွင့်အရေးတွေ ဆုပ်ကိုင် ထားရက်နဲ့ မြန်မာနိုင်ငံကို စီးပွားရေးပိတ်ဆို့မှုတွေ လျော့ချသွားအောင် ပြုလုပ်ရမဲ့အစား နယ်တကာလှည့်ကာ စည်းရုံးမဲဆွယ်မှုတွေ၊ ဟောပြောပွဲတွေသာ လုပ်ဆောင်ခဲ့တယ်။
ကျွန်တော်သာ ဒေါ်စုနေရာမှာဆိုရင်တော့ အစိုးရနဲ့အတိုက်ခံလုပ်မဲ့စိတ်၊ သမ္မတဖြစ်ချင်တဲ့စိတ်တွေ ထက် ပြည်သူလူထုအတွက် စီးပွားရေးပိတ်ဆို့မှုတွေ၊ နိုင်ငံတကာရဲ့ စောင့်ကြည့်မှုတွေ ဖြေလျော့အောင် အရင် ဆုံးလုပ်ဆောင်မည်။ ဖြေလျော့မှုတွေရရှိပါက နိုင်ငံရေးစီးပွားရေးတိုးတက်အောင် နိုင်ငံတကာမှ စီးပွားရေးလုပ် ငန်းရှင်များ ဝင်လာအောင် နယ်လှည့်ရဲ့ ဟောပြောနေမဲ့အစား ခေါင်းဆောင်များနဲ့ ညှိနှိုင်းဆွေးနွေးမှုများ ပြုလုပ် မည်။ စီးပွားရေးလုပ်ငန်းရှင်များအား ဖိတ်ခေါ်ကာ မိမိနိုင်ငံရဲ့ စီးပွားရေးလုပ်ဆောင်နိုင်မည့် အခြေအနေများကို အကျယ်တဝင့်ဆွေးနွေးမည်။ မိမိနိုင်ငံရဲ့ ပညာရေးအဆင့်အတန်းမြင့်မားအောင် နိုင်ငံတကာတက္ကသိုလ်များနှင့် ချိတ်ဆက်ကာ ဘာသာရပ်များကို နိုင်ငံတကာအဆင့်တန်မှီအောင် ပြန်လည်မွမ်းမံမည်။ မိမိသည် ငြိမ်းချမ်းရေး နိုဘယ်ဆုရှင် ဖြစ်သည့်အတွက် တိုင်းရင်းသား လက်နက်ကိုင်အဖွဲ့အစည်းများနှင့်လည်း ငြိမ်းချမ်းရေးဖော် ဆောင်ရေးဆွေးနွေးမှုများတွင် ဝင်ရောက်ဆွေးနွေးမှုများပြုလုပ်ကာ အစိုးရနှင့် လက်နက်ကိုင်တိုင်းရင်းသားများ ကြား စေ့စပ်ညှိနှိုင်းမှုများဆောင်ရွက်မည်။ တိုင်းရင်းသားဒုက္ခသည်များနှင့် ဆင်းရဲသားပြည်သူများအတွက် နိုင်ငံတကာ NGO တွေရဲ့ အကူအညီထောက်ပံ့မှုတွေ ရရှိနိုင်ရန် လုပ်ဆောင်ပေးမည်။ ထိုသို့လုပ်ဆောင်ရန် လည်း သမ္မတကစ၍ အစိုးရအဖွဲ့များနှင့် ညှိနှိုင်းဆောင်ရွက်သင့်ပါက ဆောင်ရွက်မည်ဖြစ်သည်။ ထိုအခါ မိမိ သည် သမ္မတမဟုတ်သော်လည်း သမ္မတဖြစ်နေမည်ဖြစ်သည်။
ချုပ်ရရင်တော့ ကျွန်တော်သာ ဒေါ်အောင်ဆန်းစုကြည်ဆိုရင် မိမိသည် နိုဘယ်ဆု၊ နိုင်ငံတကာမှ ပေး အပ်သော ဂုဏ်ထူးဆောင်၊ဘွဲ့လက်မှတ်များ၊ ဆုများကို ရရှိပြီးသည်ဖြစ်သောကြောင့် အယူရှိပါက အပေးရှိရ မည်ဆိုတဲ့အတိုင်း မိမိသမ္မတဖြစ်ရေး၊ မိမိပါတီ အနိုင်ရရေး၊ ဆုတံဆ်ိပ်တွေရရေးထက် မိမိစိတ်ရင်းအမှန်ရှိပါက မိမိ၏တိုင်းပြည်နှင့်လူမျိုးအတွက်ကို ရှေ့တန်းတင် ဦးစားပေးတော့မည်ဖြစ်သည်။
www.mmdailystar.com