“တပ်မတော်က နောင်မှာ အမျိုးသားနိုင်ငံရေးပဲ လုပ်မယ်၊ အာဏာနိုင်ငံရေး မလုပ်ဘူးဆို အမြဲတမ်းပြောခဲ့တယ်။ ဒီမိုကရေစီကျင့်စဉ်တွေ အသားကျလာရင် အခြေခံဥပဒေကို လည်း ပြောင်းလို့ရ တယ်လို့ ဗိုလ်ချုပ်မှူးကြီးသန်းရွှေကလည်းေ ပြာခဲ့ပါတယ်” ဟု ဦးရဲထွဋ်က ဆိုသည်။ သို့သော် နိုင်ငံရေးတွင် တပ်မတော်၏ အခန်းကဏ္ဍကို လျှော့ချရန် နိုင်ငံရေး အင်အားစုများ မည်မျှ ရင့်ကျက်သည်၊ ဒို့တာဝန်အရေးသုံးပါးကို မည်မျှ စောင့်ထိန်းနိုင်မည် စသည့် အချက်များပေါ်တွင် အဓိက မူတည်ကြောင်း ၎င်းက ထပ်လောင်း ပြောဆိုသည်။
လက်ရှိ တပ်မတော်၏ အခန်းကဏ္ဍမှာ ရှိသင့်သည်ထက် များစွာမြင့်မားနေပြီး ယင်းကို ပုံမှန်ရှိသင့်သည့် အနေအထားသို့ လျှော့ချမည်ဆိုခြင်ကို ကြိုဆိုကြောင်း၊ သို့သော် လိုအပ်သည်ထပ်ပို၍ လျှော့ချဖို့လည်း မဖြစ်သင့်ကြောင်း အမျိုးသားဒီမိုကရေစီ အဖွဲ့ချုပ်ပါတီ အထွေထွေ အတွင်းရေးမှူး ဦးဥာဏ်ဝင်းက မှတ်ချက်ပြုသည်။ “နိုင်ငံရေး အင်အားစုတွေ ရင့်ကျက်ဖို့ဆိုတာက ဘယ်အပိုင်းကို ပြောတာလဲ၊ စီးပွားရေး လား၊ မူဝါဒ အပေါ်လား ကွဲကွဲပြားပြား သိဖို့လိုပါတယ်” ဟု ၎င်းက ဆိုသည်။ နိုင်ငံရေး ပြုပြင်ပြောင်းလဲမှုများ ပြုလုပ်ရာတွင် အခြေခံဥပဒေ ပြင်ဆင်ရေးနှင့် ဖက်ဒရယ် စနစ် ဖော်ဆောင်ရေး ကဲ့သို့ ကိစ္စရပ်များတွင် တပ်မတော်၏ ရပ်တည်ချက်ကို ထိခိုက်သည်အထိ အတိုက် အခံ နိုင်ငံရေးအင်အားစုများက တောင်းဆိုခဲ့လျှင်တပ်နှင့် ထိပ် တိုက်တွေ့နိုင်ကြောင်း၊ မြန်မာ့နိုင်ငံရေးတွင် တပ်မတော်၏ သဘောတူညီမှုမရှိဘဲ မည်သည့် အရေးကိစ္စမျှ ဆောင်ရွက်နိုင်မည် မဟုတ်ကြောင်း မြန်မာ့နိုင်ငံရေး လေ့လာသုံးသပ်သူ စာရေးဆရာ ကျော်ဝင်းက ပြောဆိုထားသည်။
၂၀၁၀ ရွေးကောက်ပွဲအပြီး နောက်ပိုင်းတွင် မြန်မာ့နိုင်ငံရေးစနစ်၌ အာဏာသုံးရပ်ကို ခွဲဝေကျင့်သုံး သည့်စနစ် စတင်ခဲ့သော်လည်း အုပ်ချုပ်ရေး၊ ဥပဒေပြုရေး အခန်းကဏ္ဍများတွင် ယခင်တပ်မတော် အစိုးရ လက်ထက် တာဝန်ယူခဲ့သူ အများစုသာ ပြန်လည်နေရာယူထားခြင်း၊ လွှတ်တော်တွင် တပ်မတော်က ၂၅ ရာခိုင်နှုန်း နေရာယူထားခြင်းတို့မှာ ဒီမိုကရေစီ စံနှုန်းများနှင့် မကိုက်ညီကြောင်း ပြည်တွင်းနိုင်ငံရေး အင်အားစုများနှင့် နိုင်ငံတကာက ထောက်ပြဝေဖန်ထားကြောင်း ၂၀၁၃ ခုနှစ် စက်တင်ဘာ ၂၃ ရက်နေ့ထုတ် The Voice ဂျာနယ်တွင် ဖော်ပြထားပါသည်။
www.mmdailystar.com