မဟာတံတိုင်းကြီး အပြို NLD အာဏာ လွန်ဆွဲပွဲ ပြင်းထန်လာနိုင်

(နိုင်ငံရေးသမား၊ သတင်းစာဆရာ၊ ကွန်မြူနစ်အိုကြီး ဦးဝင်းတင်၏ နောက်ဆုံး ခရီးကို ဂုဏ်ပြု၍ ပြည်သူ့အာဏာက တင်ဆက်လိုက်ခြင်း ဖြစ်သည်)

သံမဏိလူသား၊ သေသည်အထိ ယုံကြည်ချက်ကို ဆုပ်ကိုင်သွားခဲ့သူ စသည်အားဖြင့် အမည်နာမအမျိုးမျိုး ကင်ပွန်းတပ်ခြင်းခံခဲ့ရသော ကွန်မြူနစ်အိုကြီး ဟံသာဝတီဦးဝင်းတင်သည် ဒီမိုကရေစီတိုက်ပွဲကို စိတ်လျှော့ လက်လျှော့၍ ထွက်ခွာသွားခဲ့ပြီ ဖြစ်သော်လည်း မပြီးဆုံးနိုင်သေးသည့် နောက်ဆက်တွဲများစွာ ကျန်ရှိခဲ့ကြောင်း သိရှိရသည်။

ပထမဆုံး နောက်ဆက်တွဲမှာ NLD ဥက္ကဌ ဒေါ်အောင်ဆန်းစုကြည်နှင့် ဦးတင်ဦးတို့အကြား သဘောထားကွဲလွဲမှု ဖြစ်ပြီး ယင်းကွဲလွဲမှုတွင် ဦးတင်ဦးနှင့်အတူ ၈၈ ငြိမ်းပွင့်များက တစ်ဘက်၊ ဦးဝင်းတင်၏ နောက်ဆုံးဆန္ဒနှင့် ဒေါ်အောင်ဆန်းစုကြည်က တစ်ဘက် အပြင်းအထန် ကွဲလွဲခဲ့ခြင်း ဖြစ်ကြောင်း၊ အဆိုပါ အားပြိုင်မှုတွင် ၈၈ ငြိမ်းပွင့်၏ ကျောထောက်နောက်ခံဖြင့် ဦးတင်ဦးက အနိုင် ရရှိခဲ့ကြောင်း၊ ဤသည်မှာ ဦးဝင်းတင် မရှိတော့သည့်နောက် သဘောထားတင်မာသူ ခေါင်း ဆောင်ပိုင်းနေရာကို ဦးတင်ဦးက ဆက်လက် ရယူမည့် အလားအလာကို ဖော်ပြနေကြောင်း သိရှိရသည်။

ဦးဝင်းတင် ဈာပနအတွက် ဒေါ်အောင်ဆန်းစုကြည်အား နံနက် ၇ နာရီ ခွဲ ခန့်တွင် ဖုန်းဆက်မေးမြန်းခဲ့ချိန်တွင် ဒေါ်အောင်ဆန်းစုကြည်မှ ကွယ်လွန်သူ၏ ဆန္ဒအတိုင်း ချက်ခြင်းသဂြိုဟ်ပေးဖို့ ပါတီဥက္ကဌ တစ်ဦးအနေဖြင့် စေခိုင်းခဲ့ကြောင်း၊ ဦးတင်ဦးမှ ဒေါ်အောင်ဆန်းစုကြည်ထံသို့ ဖုန်းဆက်၍ ၎င်းတို့၏ သဘောထားကို ပြောကြားခဲ့ရာ ဒေါ်အောင်ဆန်းစုကြည်မှ ဦးဝင်းတင်ရဲ့ ၂၄ နာရီအတွင်း မြေကျပေးဖို့ ဆန္ဒကိုသာ ဦးစားပေး စဉ်းစား သင့်ကြောင်း ထပ်မံ တိုက်တွန်းခဲ့ကြောင်း၊ သို့သော် ဦးတင်ဦး၊ ဦးမင်းကိုနိုင်၊ ဦးမိုးသီးဇွန်၊ နိုင်ငံရေး အကျဉ်းသားများ အဖွဲ့၊ သတင်းစာ ဆရာများအသင်း နှင့် ရုပ်ရှင်အနုပညာသည်အချို့ ပူးပေါင်းကာ ဦးဝင်းတင်ရဲ့ ဈာပနကို ဧပြီလ ၂၃ရက်နေ့ ညနေ ၅နာရီ အချိန်တွင် ရေဝေးတွင် မီးသဂြိုလ်ပြီးအုတ်ဂူ သွင်းရန် အစီအစဉ်တစ်ခုကို ရေးဆွဲခဲ့ကြကြောင်း၊ ဒေါ်အောင်ဆန်းစုကြည်က ကာယကံရှင်ရဲ့ ဆန္ဒအတိုင်း ဆောင်ရွက်ဖို့ တိုက်တွန်းခဲ့ပေမယ့် မည်သူမျှ နားမထောင်ခဲ့ကြကြောင်း၊ ဦးဝင်းတင် သေဆုံးရခြင်းတွင် ဆေးရုံသို့ သေခါနီးမှ လွဲ၍ အားပေးဖော် မရသော ဒေါ်စုအပေါ် မကျေနပ်စိတ်အခံများ ဖြစ်နေကြသူ အားလုံးက ဒေါ်အောင်ဆန်းစုကြည်၏ စကားကို နားထောင်စရာမလို ဟု ဆုံးဖြတ်ခဲ့ခြင်းဖြစ်ကြောင်း သိရှိရသည်။

“ဒေါ်စုက ပါတီဥက္ကဌလေ။ ဦးတင်ဦးက ဗဟိုအကြံပေး၊ ဦးဝင်းတင်ကလည်း ဗဟိုအကြံပေးပဲ။ ဒီတော့ ပါတီဥက္ကဌ စကားကို နားမထောင်ဘူး ဆိုတာက သက်သက်မဲ့ လုပ်တာပဲ။ ၈၈ ပွင့်လင်းတွေကလည်း ဦးတင်ဦးနဲ့ အတူတူ ရပ်တည်တယ်။ ၈၈ က ဘာဆိုင်လို့လဲ။ သူတို့က နှမ်းလာဖြူးတာ။ ဒါက ပါတီတွင်းကိစ္စ၊ ၈၈ နဲ့မဆိုင်ဘူး။ ပြီးတော့ ဦးတင်ဦးကလည်း အကြံပေးဖို့ပဲ တာဝန်ရှိတာ။ ဥက္ကဌရဲ့ ဆုံးဖြတ်ချက်ကို ဖီဆန်တာကိုလည်း ဒေါ်စု အရမ်းပဲ စိတ်ဆိုးနေတယ်။ ကျွန်တော်တို့ကတော့ ဥက္ကဌဘက်ကပဲ ရပ်တည်တယ်” ဟု ကြားဖြတ်ရွေးကောက်ပွဲအပြီး NLD ပါတီသို့ ကူးပြောင်းလာခဲ့သော သာကူး ဟု ခေါ်တွင်သည့် အမျိုးသားလွှတ်တော်ကိုယ်စားလှယ်တစ်ဦးက ပြောဆိုသည်။

ဒုတိယနောက်ဆက်တွဲမှာ မိုးသီးဇွန်နှင့်အဖွဲ့က ဦးဝင်းတင်၏ အသုဘအလောင်းကို ရေချိုးသန့်စင်ပေးသည့် မှတ်တမ်းဓါတ်ပုံများ ဖြန့်ဝေပြီး နောက် လူသေ၏ဓါတ်ပုံများကို နိုင်ငံရေးအမြတ်ထုတ်နေခြင်းအပေါ် ပြင်းထန်စွာ ဆန့်ကျင်ကန့်ကွက်မှုများ ပေါ်ပေါက်လာခဲ့ခြင်း ဖြစ်သည်။

တတိယနောက်ဆက်တွဲမှာ ဒေါ်အောင်ဆန်းစုကြည်နှင့် ဦးမင်းကိုနိုင်တို့ ဆေးရုံသို့ သွားရောက် သတင်းမေးပြီးနောက် ဦးဝင်းတင် ကွယ်လွန်သွားခဲ့ခြင်း ဖြစ်ရာ ဇီဝိန်ချွေသတင်းမေးမှုအပေါ် ဦးဝင်းတင် ထောက်ခံသူများက သံသယပွားနေခြင်း ဖြစ်သည်။

စတုတ္ထနောက်ဆက်တွဲမှာ ဒေါ်အောင်ဆန်းစုကြည် လာရောက်မေးမြန်းချိန်တွင် ဦးကိုနီအား နေရာပေးမှု ဆင်ခြင်သင့်ကြောင်း၊ NLD ပါတီအနေဖြင့် ဘင်္ဂလီများထံမှ ထောက်ပံ့ငွေများ လက်မခံရန် ဦးဝင်းတင်က ပြောကြားခဲ့သော်လည်း သတင်းများတွင် ဖော်ပြခဲ့ခြင်း မရှိခဲ့သည်ကို ဦးဝင်းတင်၏ အနီးကပ်တစ်ဦးက ဖော်ထုတ်လိုက်ခြင်း ဖြစ်သည်။

ပဉ္စမနောက်ဆက်တွဲမှာ ဦးဝင်းတင်ကွယ်လွန်ပြီးနောက် ဖြစ်ပေါ်လာမည့် NLD ၏ အာဏာချိန်ခွင်လျှာ ဖြစ်သည်။ ယခင်က ၀င်း-၀င်းဂိုဏ်း ဟု အမည်ပေးထားသည့် ခေါင်းမာဂိုဏ်းတွင် ဦးဆောင်သူ ဦးဝင်းတင် ကွယ်လွန်သွားပြီ ဖြစ်ရာ ကျန်ရှိသည့် ဦးဥာဏ်ဝင်းတစ်ဦးတည်းဖြင့်ဦးကိုနီ၊ ဦးဝင်းမြင့်၊ ဒေါက်တာမြတ်ဥာဏစိုးတို့ကို ယှဉ်နိုင်ရန် ခက်ခဲသွားပြီ ဖြစ်ကြောင်း၊ ဥက္ကဌ ဒေါ်စုကိုပင်လျှင် မှန်သည့်အတိုင်း ထောက်ပြ ပြောဆိုရဲသည့် ဦးဝင်းတင် မရှိတော့သဖြင့် NLD ခေါင်းဆောင်ပိုင်းတွင် ဒေါ်စု အမိန့် ပိုမိုကြီးထွားလာမည် ဖြစ်ကြောင်း၊ ဦးဥာဏ်ဝင်းကို ကိစ္စတစ်ခု အကြောင်းပြ၍ CEC မှ ထုတ်ပယ်ပစ်ရန် စီစဉ်ထားပြီး ဖြစ်ကြောင်း၊ မူလက ဒီလှိုင်းဂျာနယ် သိန်းထောင့်ငါးရာ အစဖျောက်မှုဖြင့် ဦးဝင်းတင်ကိုပါ CEC မှ ထုတ်ပယ်ရန် စီစဉ်ခဲ့သော်လည်း ပါတီညီလာခံဖြင့် ဖြုတ်ချမှ ရမည် ဟု တွက်ဆခဲ့ကြောင်း၊ ယခုအခါ ဦးဝင်းတင် မရှိတော့ပြီ ဖြစ်၍ ဦးဥာဏ်ဝင်းကို အလွယ်တကူ ရှင်းပစ်နိုင်တော့မည် ဟု ဦးကိုနီက ထုတ်ဖော်ပြောကြားခဲ့ကြောင်းသ်ိရှိရသည်။

သို့သော်လည်း ဦးတင်ဦးသည် ၈၈ ငြိမ်းပွင့်၏ ထောက်ခံမှုဖြင့် ပါတီတွင်း အာဏာတည်ဆောက်ရေးကို ပြန်လည်ဆောင်ရွက်လာနိုင်ကြောင်း၊ ဦးဝင်းတင် ဈာပနအစီအစဉ်တွင်လည်း ပါတီဥက္ကဌ ဒေါ်စုအနေဖြင့် မည်သို့မှ လွန်ဆန်နိုင်ခြင်း မရှိခဲ့သည်မှာ သက်သေဖြစ်ကြောင်း နိုင်ငံရေးဆောင်ပါးများ ရေးသားနေသူ ဆရာဝန် စာရေးဆရာတစ်ဦးက ပြောကြားသည်။

“ဦးဝင်းတင်က လေးစားစရာ နိုင်ငံရေးသမားတစ်ဦးပါ။ အခုလို ကွယ်လွန်သွားတဲ့အတွက် ကြီးမားတဲ့ ဆုံးရှုံးမှုကြီးတစ်ရပ်။ သို့သော်လည်းပဲ မိမိတို့ လွှတ်တော်အနေနဲ့ ပြောရရင်တော့ သဘောထားတင်းမာသူတွေအနေနဲ့ လွှတ်တော်နိုင်ငံရေးကို အစဉ်အမြဲ ဆန့်ကျင်နေခဲ့ကြတာ ဖြစ်တဲ့အတွက် NLD ပါတီ ပိုမိုကောင်းမွန်လာမယ် လို့ မိမိအနေနဲ့ မျှော်လင့်မိပါတယ်။ ပါတီဥက္ကဌ အစ်မကြီး ဒေါ်အောင်ဆန်းစုကြည် အနေနဲ့လည်း ယခင်ကထက် ပိုမို လွတ်လွတ်လပ်လပ် ဆုံးဖြတ်လုပ်ကိုင် လာနိုင်မယ် လို့ ယုံကြည်ပါတယ်” ဟု လွှတ်တော်အကြီးအကဲ တစ်ဦးက ထုတ်ဖော်ပြောကြားခဲ့ကြောင်းသိရှီရသည်။

နိုင်ငံတော်သမ္မတ၏ ပြောရေးဆိုခွင့်ရ ပုဂ္ဂိုလ် ဒုတိယ၀န်ကြီး ဦးရဲထွဋ်ကလည်း “ကျွန်တော်တို့အနေနဲ့ ဆရာကြီးဦးဝင်းတင်နဲ့ နုိုင်ငံရေးအရ အမြင်မတူတာတွေရှိပါ တယ်။ ဒါပေမယ့် မိမိယုံကြည်ချက်အပေါ် ခုိုင်မာစွာရပ်တည်ခဲ့မှုများနဲ့ သူ့ရဲ့ စွန့်လွှတ်ခဲ့မှုများ အတွက် ဆရာကြီး ဦးဝင်းတင်ကို ကျွန်တော်တို့အားလုံးလေးစားပါတယ်။ နုိုင်ငံနဲ့လူမျိုး ဖွံ့ဖြိုးတိုးတက်ရေး၊ ဒီမိုကရေစီ ထွန်းကားရေးအတွက် သူယုံကြည်ရာ နည်းလမ်းနဲ့ အကောင်အထည်ဖော်လုိုတဲ့ ဆရာကြီးရဲ့ စေတနာကို ကျွန်တော်တို့ အလေးထားတဲ့အတွက် အမြင်ချင်းမတူသည့်တိုင်အောင် ဆရာကြီးရဲ့ အတွေးအမြင် သဘောထားများကို ကျွန်တော်တို့အလေးထားမှတ်သားကြပါတယ်။ ဆရာကြီး ကွယ်လွန်သွားခြင်း ဟာ မြန်မာ့နုိုင်ငံရေးမှာ မိမိယုံကြည်ချက်ကို ပွင့်ပွင့်လင်းလင်း မထောက် မညှာပြောလေ့ရှိတဲ့ အသံတစ်သံ ပျောက်ဆုံးသွားခြင်းပဲဖြစ်တဲ့ အတွက် ကြီးမားတဲ့ ဆုံးရှုံးမှုပဲဖြစ်သလို သတင်းစာလောကအတွက်ဆိုရင်လည်း အတွေ့အကြုံရင့်ကျက်တဲ့၊ အတတ်ပညာ ပြည့်ဝတဲ့ သတင်းစာ ဆရာကြီးတစ်ဦး ဆုံးရှုံးရခြင်းဖြစ်တယ်လို့ ကျွန်တော်တို့ယုံကြည်ကြောင်း တင်ပြအပ်ပါတယ်” ဟု ရေးသားဖော်ပြခဲ့သည်။

“ဦးဝင်းတင်က အမာလိုင်းပဲ။ ဒီနေ့ခေတ်က အမာလိုင်းသမားတွေ ခေတ်မရှိတော့ဘူး။ ဒါ့ကြောင့်လည်း NLD မှာကို နေရာပေးတာ မခံခဲ့ရတာ။ ဒါပေမယ့် မသေခင် နောက်ဆုံး လုပ်သွားတာကို ပြန်ကြည့်လိုက်ရင် ဆရာတော်ဦးဝီရသူကို သွားပြီး ညှိနှိုင်းတာ တွေ့ရတယ်။ ဒီလိုမျိုး အကွက်တွေကို လုပ်နိုင်တဲ့သူ လုပ်တတ်တဲ့သူ NLD မှာ မရှိတော့ဘူး။ ရှေ့နေဦးကိုနီတို့ ဦးဝင်းမြင့်တို့ အုပ်စု ပိုပြီး အားကောင်းလာနိုင်တယ်။ ဒေါ်စုကို ၀န်းရံဖို့ မှာသွားတယ် ဆိုတဲ့ ၈၈ ငြိမ်း ပွင့်အနေနဲ့ NLD ထဲကို ၀င်လာပြီး ခေါင်းဆောင်ပိုင်း နေရာအတော် များများကို ယူမယ် ကြားတယ်။ ဒီလို ၀င်မလာနိုင်အောင် ဦးကိုနီတို့အုပ်စုက ဆော်ကြလိမ့်မယ်။ ဦးဝင်းတင် သေသွားတော့ အာဏာ လွန်ဆွဲပွဲ ပိုပြီး ပြင်းထန်လာမှာ သေချာတယ်” ဟု သည်လေဒီးစ်ဂျာနယ် အယ်ဒီတာတစ်ဦးက ခန့်မှန်းပြောကြားသည်။

ဦးဝင်းတင်သည် သတင်းစာသမား ဘဝ၊ နိုင်ငံရေးသမား ဘဝနဲ့ ဖြတ်သန်း လာခဲ့ရတဲ့ ကာလ တလျှောက်လုံးတွင် အာဏာရှင် အစိုးရများ၏ လွဲမှားနေသည့် လုပ်ဆောင်ချက်များကို ရဲရဲဝံ့ဝံ့ ဆန့်ကျင်ခဲ့သူ ဖြစ်သည်။ အလားတူ NLD ပါတီ ခေါင်းဆောင်များ အပါအဝင် အတိုက်အခံ နိုင်ငံရေးသမားများ၏ လွဲချော်မှုများကိုလည်း ထောက်ပြ ဝေဖန်သူ တဦးလည်း ဖြစ်သည်။

From:ပြည်သူ့အာဏာ

www.mmdailystar.com