အပစ်အခတ်ရပ်စဲရေးမူကြမ်းကို တစ်ခုတည်းဖြစ်အောင် အစိုးရနှင့် လက်နက်ကိုင်အဖွဲ့များ ပူးပေါင်းရေးဆွဲမည်ဟု ဆုံးဖြတ်

အစိုးရနှင့် တိုင်းရင်းသားလက်နက်ကိုင် တပ်ဖွဲ့များအကြား တစ်နိုင်ငံလုံး အတိုင်းအတာ အပစ်အခတ်ရပ်စဲရေးမူကြမ်း ညှိနှိုင်းမှုကို မတ် ၉ ရက်ကစတင်၍ ရန်ကုန်မြို့ရှိ Myanmar Peace Center ၌ ပြုလုပ်ခဲ့ရာ အပစ်အခတ်ရပ်စဲရေး ဆက်လက်ညှိနှိုင်းရန် အစိုးရ၏မူကြမ်းနှင့် တိုင်းရင်းသားလက်နက်ကိုင် အဖွဲ့များ၏ မူကြမ်းအား တစ်ခုတည်းဖြစ်အောင် ပူးပေါင်းရေးဆွဲမည်ဟု ဆုံးဖြတ်ခဲ့ကြောင်း ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ ပြည်ထောင်စုဝန်ကြီး ဦးအောင်မင်းက ပြောကြားသည်။

တစ်နိုင်ငံလုံးဆိုင်ရာ အပစ်အခတ်ရပ်စဲရေး ညှိနှိုင်းမှု ဆက်လက်ပြုလုပ်ရန် နှစ်ဖက်ပူးပေါင်းရေးဆွဲမည့် မူကြမ်းအား အစိုးရအဖွဲ့မှ ကိုယ်စားလှယ်သုံးဦး၊ လွှတ်တော်မှ ကိုယ်စားလှယ်သုံးဦး၊ တပ်မတော်ဘက်မှ ကိုယ်စားလှယ်သုံးဦးနှင့် တိုင်းရင်းသားလက်နက်ကိုင် အဖွဲ့များ၏ တစ်နိုင်ငံလုံး အတိုင်းအတာ အပစ်အခတ်ရပ်စဲရေးဆိုင်ရာ ညှိနှိုင်းရေးအဖွဲ့ (NCCT) မှ အဖွဲ့ဝင်ကိုးဦးတို့ ပါဝင်သည့် အဖွဲ့ဖွဲ့ကာ ရေးဆွဲဆောင်ရွက်သွားမည်ဖြစ်သည်။

NCCT အဖွဲ့ခေါင်းဆောင် ဦးနိုင်ဟံသာကလည်း “ကျွန်တော်တို့နဲ့ အစိုးရနဲ့က နှစ်ဖက်ဖြစ်နေတဲ့နေရာမှာ ကျွန်တော်တို့ကလည်း လော်ခီးလာရဲ့မူကို တင်တယ်။ အစိုးရဘက်ကလည်း သူတို့ရေးဆွဲထားတဲ့ သူတို့ရဲ့မူတွေ ရှိတာပေါ့။ အဲဒီတော့ သူ့မူသူကိုင်တယ်။ ကိုယ့်မူကိုယ်ကိုင်တယ်။ အဲဒီတော့ ညှိလို့ခက်တယ်ဗျ။ အဲဒီတော့ အဲဒီလို ညှိလို့ခက်နေတဲ့ အနေအထားမျိုးမှာ ကဲနှစ်ဖက်အဖွဲ့ တစ်ဖက်ဖွဲ့လိုက်မယ်။ ဟိုဘက်ကလူ တစ်ဝက် ဒီဘက်ကလူ တစ်ဝက် ဖွဲ့ပြီးတော့ မူအသစ်တစ်ခု ရေးမယ်။ အဲဒီပုံစံမျိုးနဲ့ သဘောတူတာ” ဟု ပြောကြားသည်။

ရန်ကုန်ဆွေးနွေးပွဲ ပထမရက် ဆွေးနွေးမှုသည် အောင်မြင်သော ဆွေးနွေးပွဲဖြစ်ကြောင်းနှင့် အသစ်ရေးဆွဲမည့်မူတွင် မည်ကဲ့သို့သော ခေါင်းစဉ်များထားပြီး ဆွေးနွေးရန်တို့နှင့် ပတ်သက်ပြီး မတ် ၁၀ ရက်တွင် ဆက်လက်ဆွေးနွေးမည်ဟု ပြည်ထောင်စုဝန်ကြီး ဦးအောင်မင်းက ပြောကြားခဲ့ပြီး ဦးနိုင်ဟံသာမှလည်း ဆွေးနွေးပွဲသည် တစ်နိုင်ငံလုံး အတိုင်းအတာ အပစ်အခတ်ရပ်စဲရေး ဆောင်ရွက်ရန်အတွက် တိုးတက်မှုများစွာ ရရှိခဲ့သည်ဟု ဆိုသည်။

“ဆွေးနွေးပွဲ အခြေအနေက ရှင်းရှင်းလင်းလင်း နှစ်ဖက်သံသယတို့ သို့တည်းမဟုတ် စိုးရိမ်တာတို့၊ စိတ်ပူတာတို့ အဲဒါတွေကို နည်းနည်းဖြေလျှော့ပြီးတော့ ရှေ့ဆက်သွားနိုင်တဲ့ လမ်းစရတယ်လို့ ပြောနိုင်တာပေါ့။ တပ်ပိုင်းဆိုင်ရာကိစ္စက အဓိကဆွေးနွေးဖို့ ဖြစ်လာတာ။ ဒါကို တပ်မတော်က အကြီးအကဲတွေ အများကြီး ပါလာတယ်။ သူတို့နဲ့ဆိုင်တဲ့ အပိုင်းတွေကို အဓိကတာဝန်ခံပြီး ဆွေးနွေးနိုင်အောင် သူတို့တွေ ပါဝင်လာတာဖြစ်တော့ အရေးကြီးတယ်လို့ ပြောနိုင်တယ်။ အကယ်၍သာ တပ်မတော်ဘက်က သဘောတူတယ်ဆိုရင် ခိုင်ခိုင်မာမာ ဖြစ်သွားတာပေါ့” ဟု NCCT မှ ဗိုလ်မှူးကြီးခွန်ဥက္ကာက ပြောကြားသည်။

တစ်နိုင်ငံလုံး အတိုင်းအတာ အပစ်အခတ်ရပ်စဲရေးနှင့် ပတ်သက်ပြီး အစိုးရနှင့် တိုင်းရင်းသား လက်နက်ကိုင် အဖွဲ့များအကြား ဆွေးနွေးညှိနှိုင်းမှုများ ကောင်းမွန်သည်ဟု ဆိုသော်လည်း နှစ်ဘက်ပူးပေါင်းရေးဆွဲမည့် မူကြမ်းအား နှစ်ဘက်ခေါင်းဆောင်များအား ပြန်လည်ရှင်းပြရမည့် ကိစ္စရပ်များကြောင့် ဘားအံဆွေးနွေးပွဲသည် သင်္ကြန်ကာလမတိုင်မီ ဖြစ်နိုင်ဖွယ် မရှိတော့ကြောင်း သိရသည်။

Eleven Media Group