.jpg)
“ဒီလအတွက်ကတော့ ရန်ကုန်ကို ကိုးသောင်းကျော် ချပေးမှာဆိုတော့ ဒီတစ်လ အများဆုံးလို့ ပြောလို့ရပါတယ်။ အရင်လတုန်းက ကတ်ရေ ရှစ်သောင်း ရောင်းပေးခဲ့တယ်။ မြို့နယ်အလိုက် ခွဲတမ်းတွေပိုရရှိအောင် စီစဉ်တဲ့သဘောပါ” ဟု မြန်မာ့ဆက်သွယ်ရေးလုပ်ငန်းမှ တာဝန်ရှိသူတစ်ဦးက ပြောသည်။ လက်ရှိတွင် ရောင်းချပြီးသော လိုင်းများသာမက ထပ်မံချထားပေးမည့် တန်ဖိုးနည်း ဆင်းမ်ကတ်လိုင်းများအတွက်ပါ ဖုန်းလိုင်းအင်အား ပိုမိုကောင်းမွန်စေရန်အတွက် အင်တာနာများကို အရည်အသွေး ပိုမိုကောင်းမွန်သည့် အင်တာနာများ တပ်ဆင်ပေးထားကြောင်း သိရသည်။ “ဖုန်းရောင်းချမယ့် ရက်ကိုတော့ တိုင်းဒေသကြီး အစိုးရအဖွဲ့ကနေ သတ်မှတ်မှာပါ။
ဘယ်နေ့ဆိုတာတော့ အတိအကျ မသိရသေးပါဘူး။ ရက်၂၀ ကျော်လောက်ပဲဖြစ်မှာပါ။ မြို့နယ်ခွဲတမ်းတွေ အတွက်လဲ အစိုးရအဖွဲ့က ခွဲဝေပေးမှာပါ” ဟု အဆိုပါ တာဝန်ရှိသူက ဆက်လက်ပြောသည်။ အဆိုပါတန်ဖိုးနည်း ဆင်းမ်ကတ်များကို မြို့နယ်မှတစ်ဆင့် ရပ်ကွက်အလိုက် မဲနှိုက် ရောင်းချပေးခြင်းဖြစ်ပြီး ရပ်ကွက်တချို့တွင် သန်းခေါင်စာရင်းဖြင့် နေထိုင်သူများသာ ဆင်းမ်ကတ်မဲပေါက်လျှင် ဝယ်ယူနိုင်ပြီး ဧည့်စာရင်းဖြင့် နေထိုင်သူမျာကို မဲနှိုက်ခွင့် ရပ်နားထားကြောင်း ၂၀၁၃ ခုနှစ် ဒီဇင်ဘာ ၁၉ ရက်နေ့ထုတ် ရန်ကုန်တိုင်း(မ်) ဂျာနယ်တွင် ဖော်ပြထားပါသည်။
www.mmdailystar.com